დღეს  ტრენინგზე  კოლეგებმა  ერთმანეთს  მივეცით  რჩევები,  რაც  პოზიტიური  აღმოჩნდა  როგორც  ჩემთვის,  ისე  ჩემი  მეწყვილისათვის.უკუკავშირი  გვეხმარება  პედაგოგებს  უკეთ  გავიაზროთ  მთავარი  და  მეორეხარისხოვანი  საკითხები  და  ვისწავლოთ  პოზიტიური  კითხვების  დასმა,  რომელიც  ჩვენს  პროექტთან  ადეკვატურად  იქნება  დაკავშირებული.
     აგრეთვე გავერკვიეთ საავტორო უფლებებში, რაც გათვალისწინებული უნდა იქნეს პროექტებზე მუშაობისას.

  ამ ოთხი ტრენინგის განმავლობაში უკეთ გავიაზრე, როგორ განვახორციელო პროექტი სწორი თანმიმდევრობით. უკეთესად გავიგე შესარჩევი აქტივობების დანიშნულება და შეფასების ინსტრუმენტები.
  ავირჩიე თემა. მასთან დაკავშირებით შევიმუშავე მიზნები.  ჩამოვაყალიბე სხვადასხვა მიმართულების კითხვები მოცემულ საკითხთან დაკავშირებით. მოვიფიქრე გასაკეთებელი აქტივობები.
  მიხარია, რომ ჩავწვდი პროექტის კეთებისა და თანმიმდევრული შესრულების სპეციფიკას.